ഔദ്യോഗിക രഹസ്യം - ഒരു സര്‍ദാര്‍ജിക്കഥ

ഒരു  അന്താരാഷ്ട്ര  മെഡിക്കല്‍  സെമിനാറിന്റെ  പുളുവടി സെഷന്‍  നടക്കുകയാണ് . പ്രതിനിധികള്‍  ഓരോരുത്തരും തങ്ങളുടെ നാട്ടിന്റെ  കേമത്തരങ്ങള്‍  പൊടിപ്പും തൊങ്ങലും  വെച്ച്  തട്ടിവിടുന്നുണ്ട്

അമേരിക്കന്‍:-   ഞങ്ങളുടെ   നാട്ടില്‍  ഒരുപയ്യന്‍ ജനിച്ചപ്പോള്‍  കാലുകളില്ലായിരുന്നു , ഞങ്ങളുടെ  വൈദ്യശാസ്ത്രം അവനു കാലുകള്‍ നല്‍കി .  അവന്‍ വളര്‍ന്നപ്പോള്‍  ഒളിമ്പിക്സ്‌  മാരത്തോണ്‍  മെഡല്‍  സ്വന്തമാക്കി ''


റഷ്യന്‍:-  ''ഞങ്ങളുടെ   നാട്ടില്‍  ഒരുപയ്യന്‍ കൈകളില്ലാതെയാണ്  ജനിച്ചത്.  ഞങ്ങളുടെ   ശാസ്ത്രം അവനു കൈകള്‍  നല്‍കി .  അവന്‍ വളര്‍ന്നപ്പോള്‍  ഭാരം ഉയര്‍ത്തുന്നതില്‍  ലോക റിക്കാര്‍ഡ്‌  സ്ഥാപിച്ചു ''.


  പിന്നെ പലരും പലതും  പറഞ്ഞു .  ഒടുവില്‍  സര്‍ദാര്‍ജിയുടെ  ഊഴമായി


സര്‍ദാര്‍ജി:-   ''ഇതൊക്കെ  വെറും  നിസ്സാരം .    ഞങ്ങളുടെ   നാട്ടില്‍  ഒരുപയ്യന്‍ തല തന്നെ ഇല്ലാതെ യാണ് ജനിച്ചത്‌ .  പിന്നെ  ഒരു ലാട വൈദ്യന്‍  ഒരു തണ്ണി മത്തന്റെ  തൊണ്ട് എടുത്തു ഷേപ്പ്  ആക്കി  ചില മന്ത്രങ്ങളൊക്കെ ജപിച്ചു തല വെച്ച് കൊടുത്തു ''.


 '' എന്നിട്ട് ''?  എല്ലാവരും   ആകാംഷയോടെ ചോദിച്ചു


''അവന്‍ പിന്നീട് വളര്‍ന്നു വലിയ  ബിരുദങ്ങളെല്ലാം  നേടി . വലിയ  സാമ്പത്തിക  വിദഗ്ദനായി''


''ഇപ്പോള്‍ അദ്ദേഹം  എന്ത് പദവിയിലാണ്'' ?   ഹാളില്‍  കൂട്ടച്ചിരി ഉയരുന്നതിനിടെ പ്രതിനിധികളാരോ  കുസൃതിചോദ്യമെറിഞ്ഞു.


'' സോറി   അത്  ഞങ്ങളുടെ  ഔദ്യോഗിക  രഹസ്യമാണ്   ''     സര്‍ദാര്‍ജിയുടെ  മറുപടി  പെട്ടെന്നായിരുന്നു.